Blog

Apple lokar FaceTime þar sem hægt var að hlusta í gegnum síma annarra

Myndaniðurstaða fyrir FaceTime

 

Starfsmenn Apple hafa lokað á hópsamtöl FaceTime í Apple símum og tækjum eftir að galli var opinberaður sem gerði fólki kleift að hlusta og jafnvel horfa á aðila, jafnvel þó viðkomandi hafi ekki svarað samtalsbeiðninni. Til stendur að loka á gallann í vikunni en þar til verður Group FaceTime ekki virkt. Nánar tiltekið virkaði gallinn á þann veg að hægt var að hringja í einhvern í gegnum Group FaceTime og plata forritið til að kveikja á myndavél og hljóðnema þess sem verið var að hringja í áður en viðkomandi svaraði.

Sjá má á Vef Apple að Group FaceTime sé lokað tímabundið.

 

Til stendur að loka á gallann í vikunni en þar til verður Group FaceTime ekki virkt.

 

https://www.Apple.com

 

 

Solskjaer bjartsýnn að fá að vera áfram á Old Trafford segir hann

Myndaniðurstaða fyrir ole gunna solskjaer Molde

 

Norðmaðurinn Ole Gunnar Solskjær átti bara að taka tímabundið við stjórastöðunni hjá Manchester United en eftir átta sigra í fyrsta átta leikjunum aukast líkurnar með hverjum sigri að hann fái fastráðningu á Old Trafford

Ole Gunnar Solskjær segist nú vera farinn að undirbúa Manchester United liðið fyrir næsta tímabil og segir það skipta engu máli hvort hann verði stjóri liðsins 2019-2020 eða ekki. 

 

Það skiptir ekki máli hvort ég verð hér eða ekki. Mitt starf núna er að undirbúa liðið fyrir næsta tímabil,“ sagði Ole Gunnar Solskjær við Guardian og hluti af því verður að spila uppöldum leikmönnum eins og þeim Mason GreenwoodJimmy Garner og Ethan Hamilton.

„Það eru nokkrir hæfileikaríkir strákar í unglingaliðinu sem við munum sjá í aðalliðinu á einhverjum tímapunkti til að undirbúa liðið fyrir næsta tímabili. Strákar eins og MasonJimmyEthan. Þetta snýst um að finna rétta tímann fyrir þá,“ sagði Solskjær.

„Þeir þurfa samt að hoppa fram fyrir menn eins Alexis [Sánchez], Juan Mata, og Romelu Lukaku sem hafa ekki spilað allt of mikið að undanförnu, “ sagði Solskjær en hann býst jafnframt ekki við að einhverjir leikmenn fari frá Manchester United í janúarglugganum. 

 

Eins og staðan er núna þá verða allir áfram hjá félaginu. Engir samningar hafa verið gerðir en það eru nokkrir dagar eftir og þá getur vissulega eitthvað gerst. Það verður samt gott þegar glugginn lokar og við getum einblínt á það að gera leikmenn félagsins betri,“ sagði Solskjær.

Ole Gunnar Solskjær hrósar sérstaklega Andreas Pereira sem margir sáu líklega kandídat til að fara frá félaginu í janúar. „Nei ég sé hann ekki fara á láni. Andreas hefur verið frábær á æfingum síðan að ég kom. Hann er leikmaður sem ég sé spila marga leiki fram til loka tímabilsins,“ sagði Solskjær.

Næsti leikur Manchester United, sá níundi undir stjórn Ole Gunnar Solskjær, verður á móti Burnley á Old Trafford annað kvöld.

 

 

Segir björn hafa passað sig í tvo daga

Íbúar Norður-Karólínu fylgdust grannt með leitinni að Casey Hathaway, sem var týndur í tvo sólarhringa.

 

Þriggja ára drengur, sem fannst í skóglendi eftir tveggja daga leit í Norður-Karólínu, segist hafa lifað þrekraunina af þökk sé birni sem veitti honum félagsskap í frostinu.

Leitarflokkar fundu drenginn, Casey Hathaway, á fimmudag eftir að þeim barst tilkynning um barnsgrát í Craven-sýslu. Drengurinn var kaldur og blautur en að öðru leyti við góða heilsu. Þegar Hathaway týndist síðastliðinn þriðjudag, eftir að hafa verið úti að leika sér með tveimur öðrum börnum, voru aðstæður til leitar svo erfiðar að kalla þurfti leitarflokkana til baka meðan beðið var eftir því að veðrinu slotaði.

Vitað var að drengurinn var ekki klæddur fyrir frosthörkurnar og hvassviðrið sem var í Craven-sýslu um miðja síðustu viku. Því var allt kapp lagt á að finna Hathaway, hundruð sjálfboðaliða komu að leitinni og stuðst var við dróna, þyrlur, kafara og leitarhunda.

Drengurinn fannst svo í runna á fimmtudaginn eftir um tveggja daga veru í skóginum. Hann var fluttur í skyndi á sjúkrahús þar sem rannsóknir gáfu til kynna að þrátt fyrir allt væri Hathaway við hestaheilsu.

Þegar hann var spurður hvernig í ósköpunum honum hefði tekist að lifa þetta af, einn í skóginum í vitlausu veðri, tjáði Hathaway foreldrum sínum og lögreglu að hann hafi í raun ekki verið einn. Vinalegur svartbjörn (Ursus americanus) hafi veitt honum félagsskap sólarhringana tvo. Hvort sem sú saga er sannleikanum samkvæmt eður ei segjast foreldrar Hathaway vera himinlifandi að fá drenginn sinn aftur í hendurnar, heilan á húfi.

Hér að neðan má sjá umfjöllun héraðssjónvarpsstöðvarinnar WCTI NewsChannel 12 um málið þar sem rætt er við fógeta Craven-sýslu, Chip Hughes.

 

 

 

Við étum alltof mikið af þessu kjaftæði

Erpi fannst ekki flókið að elda án dýraafurða og ræktar meira að segja sínar eigin kryddjurtir.

Erpi fannst ekki flókið að elda án dýraafurða og ræktar meira að segja sínar eigin kryddjurtir.

Rapparinn Erpur Eyvindarson, eða Blaz Roca hefur tekið veganúar föstum tökum og segir það ekki mikið mál að breyta til á þennan hátt enda fær í taílenskri og indverskri matargerð. 

„Mér finnst gaman að prófa allt, þegar ég ferðast og ég hef borðað sporðdreka, bjöllur og önnur skordýr,“ segir Erpur sem ferðast hefur víða og er augljóslega óhræddur við að prófa sig áfram. „Þetta er smá áskorun, ekki bara að prófa margt nýtt, heldur að láta matinn ganga upp án þess að kjöt eða aðrar dýraafurðir komi þar að. Þetta minnir mig á það þegar ég var að læra myndlist og átti að gera eitthvað spennandi með takmörkuðum verkfærum og oft varð útkoman spennandi.“ Erpur segir málstað veganista höfða til sín en honum megi skipta í þrennt; 

„Það væri hollt fyrir heiminn að fleiri yrðu vegan enda fer minna landrými í að metta ákveðið magn af grænmetisætum en kjötætum. Verksmiðjubúskapur á Vesturlöndum minnir helst á pyntingarbúðir. Þetta er bara Guantanamo! Sjálfur var ég í sveit og hef unnið á svínabúi og þetta er algjör viðbjóður. Þetta er auðvitað ekki alls staðar jafn slæmt en meðferð á svínum og kjúklingum er bara ógeð. Svo í þriðja lagi er spennandi að finna fyrir breytingum á líkamanum. Það er auðvitað léttara að melta grænmeti en kjöt, svínakjöt er óþolandi í maga. En manni leið hreinlega eins og maður væri með bíldekk í maganum eftir jólin.“

Þrátt fyrir góð áhrif á kroppinn segir Erpur það aðallega hafa verið umhverfis- og dýraverndunarsjónarmið sem hafi fengið hann til að taka dýraafurðir alfarið út þennan fyrsta mánuð ársins. „Við étum allt of mikið af þessu kjaftæði. Það er allt í lagi að éta kjöt og fisk en það má vera mun minna af því. Þetta hefur ekki verið neitt mál, ég kann að elda taílenskt og þar skiptir kjöt engu máli í helstu réttunum þar sem mikið er um grænmeti, chili, engifer, basil og kóríander svo er einnig einfalt að elda indverskan og mexíkóskan mat án dýraafurða. Helstu viðbrigðin eru þegar maður fer yfir í vestræna diska, ég fór t.d. á Grillmarkaðinn um daginn þar sem ég át hnúðkál í orly og sveppi á teini. Það er þá sem maður finnur að þú ert rauðhærði gaurinn í bekknum.“

„Þetta er búið að vera mjög gaman og ég mæli með að allir prófi,“ segir Erpur sem er ekki viss um að hann haldi áfram að vera vegan en hann finni þó að hann sakni ekki kjúklings og svínakjöts. „Ég lít fisk og íslenskt lambakjöt þó öðrum augum, enda gengur það mikið til frjálst og manni líður betur með að borða það. Þar sem það eru hömlur á kjötinnflutningi er minna um sjúkdóma hér og lyfjanotkun sem er gott. En enginn nennir að heyra þetta í dag – allir vilja ódýrt Evrópusambandsdrasl sem myndi auka á þessa áhættu.“

Erpur segist ekki hlusta á þá sem hafa horn í síðu veganista og þó hann sé sjálfur að prófa lífsstílinn í fyrsta sinn þá hafi hann alltaf dáðst að þeim sem hann aðhyllast. „Ég nenni ekki að hlusta á lið væla yfir því að einhver taki á sig að éta brokk­ólí til að bjarga dýrum úr hræðilegum aðstæðum, eða svo við getum fætt fleiri íbúa heimsins. Það hljómar enginn sem hann sé öruggur í sínu ef hann er að væla yfir því hvað aðrir éta – það var enginn að spyrja þig!“ 

Starfsmaður í Mjólkurkæli

Nettó Krossmóa leitar að öflugum starfskrafti í Mjólkurkæli 8-16 alla virka daga með mjöguleika á helgarvinnu

·        Starfsmaður í mjólkurkæli

·        18 ára og eldri

·        Áfylling

·        Pantanir

·        uppröðun

Áhersla er lögð á

·         Styrkleika í mannlegum samskiptum

·        Skipulagshæfni

·        Reglusemi

·        Rík þjónustulund og skilningur á þörfum viðskiptavina

·        Sjálfstæði og jákvæðni

·        Stundvísi og áræðni

 

Allar nánari upplýsingar veitir:

Verslunarstjóri á staðnum milli kl. 8 – 16 virka daga eða á email krossmoi@netto.is

 

 

Skýrsla 64

 

Fór í bíó í gær á Skýrsla 64

 

Árið 1987 hurfu nokkrar manneskjur í Kaupmannahöfn um svipað leyti án þess að vitað væri til að þær tengdust á nokkurn hátt. Rúmum tuttugu árum seinna vekja þessi mannshvörf athygli Carls Mørk og félaga hans, Assads og Rose, hjá Deild Q í dönsku lögreglunni. Smám saman rekja þau óljósa slóð, annars vegar til þekkts læknis og forystumanns í nýjum stjórnmálaflokki og hins vegar til Sprogeyjar þar sem lengi var hæli fyrir afvegaleiddar stúlkur. Sá staður reyndist mörgum vistmönnum helvíti á jörð. Og til eru þeir sem vilja frekar drepa vitnin en láta ýmislegt sem þar gerðist komast upp.

 

Mjög góð mynd en fær 7,8 af  á

 

https://www.imdb.com/title/tt6916362/?ref_=nv_sr_1