My favorite band Muse
Tuesday – song
Blog
Á leið til Stórliðsins AC Milan
Knattspyrnukonan Berglind Björg Þorvaldsdóttir er á leið til ítalska stórliðsins AC Milan á láni frá Breiðabliki samkvæmt heimildum mbl.is. Berglind fór út að skoða aðstæður hjá ítalska stórliðinu á dögunum og leist afar vel á aðstæður í Mílanó og mun hún skrifa undir samning við félagið á næstu dögum samkvæmt heimildum mbl.is.
AC Milan leikur í A-deildinni á Ítalíu og er sem stendur í fjórða sæti deildarinnar með 20 stig eftir fyrstu tíu leiki sína, ellefu stigum minna en topplið Juventus, en AC Milan á leik til góða á Juventus. „Ég get staðfest að ég fór út að skoða aðstæður hjá félaginu á dögunum og þar var allt til fyrirmyndar,“ sagði Berglind í samtali við mbl.is í dag.
Samkvæmt heimildum mbl.is mun framherjinn skrifa undir lánssamning út tímabilið. Berglind Björg mun því klára tímabilið með AC Milan og snúa aftur til Íslands um miðjan maí. Hún mun því missa af fyrstu tveimur leikjum tímabilsins með Breiðabliki, gegn FH, Selfossi en þessi 27 ára gamli framherji varð markahæsti leikmaður úrvalsdeildarinnar á síðustu leiktíð með 16 mörk í sautján leikjum.
Berglind þekkir ítölsku A-deildina ágætlega eftir að hafa spilað átta leiki með Verona árið 2017. Sú dvöl reyndist hins vegar hálfgerð martröð á endanum þar sem ekki var staðið við gerða samninga. Berglind fór einnig á láni á síðustu leiktíð þegar hún samdi við hollenska úrvalsdeildarliðið PSV og sneri hún þá aftur til Íslands fyrir tímabilið hér heima.
Berglind Björg Þorvaldsdóttir vakti athygli stórliða fyrir frábæra spilamennsku í Meistaradeildinni á síðustu leiktíð þar sem hún skoraði 10 mörk í sjö leikjum
Shop online
Costco
Ágústa Eva segir bólfélagaumfjöllun DV „ósmekklega“
Leik- og söngkonan Ágústa Eva Erlendsdóttir tjáir sig á Facebook-síðu sinni um umfjöllun DV þar sem birtur var listi yfir „eftirsóttustu bólfélaga Íslands.“ Umfjöllunin vakti mikla athygli en Ágústa Eva var þar efst á lista.
„Rauðhærð, glæsileg og sterk eins og Lína langsokkur. Bæði karlar og konur nefndu hana oftar en nokkra aðra konu sem komst á blað. Ágústa vinnur slaginn og er eftirsóttasti kvenkyns bólfélagi Íslands,“ stóð við mynd af Ágústu Evu sem er allt annað en sátt við skrifin.
Á myndinni sem fylgir umfjöllun DV má sjá marga þekkta einstaklinga, suma fáklædda en á listanum má meðal annars finna leikara, áhrifavalda og stjórnmálamenn.
„Ósmekklegt með öllu, stilla upp fólki á nærfötunum, það sett í kynferðislegt samhengi og í ofan á lag það listað upp eins og á útsölubæklingi og dreift manna á milli,“ skrifar Ágústa Eva í færslunni.
Hún segir vald fjölmiðla mikið en því fylgi einnig ábyrgð og það hafi verið misnotað og notað á annarlegan hátt í umræddri umfjöllun. Þá á hún bágt með að trúa því að svona hugsun viðgangist enn í dag.
„Tilgangurinn er ofar mínum skilning. Það virðist sem “blaðamaður” hafi verið í einhverskonar annarlegu ástandi við þessi skrif eða jafnvel lyfjaður, trúi ekki að svona hugsun og yfirlýsingar séu viðteknar eða eðlilegar á okkar tímum.“
Sjö vinsæl kynlífsöpp
Snjallsímaöpp eru eins misjöfn og þau eru mörg. Sumir vilja kannski meina að kynlíf og snjallsíminn eigi ekki vel saman en aðrir eru augljóslega ekki sammála.
Vefsíðan Mashable hefur tekið saman sjö öpp sem hægt er að nota í forleik.
Alveg frá því að nota símann sem fjarstýringu á kynlífstæki yfir í aðstoð við dónalegt tal. Þetta er allt hægt með símanum.
1. Dirty Game – Hot Truth or Dare
2. Kindu
3. OhMiBod
4. Desire
5. iKamasutra
6. Pleasure Machine
7. Honi
Verður barni þínu boðið áfengi eða vímefni?
„Áður en barnið þitt verður fullorðið eru yfirgnæfandi líkur á að einhver muni beita það beinum eða óbeinum þrýstingi til að nota áfengi eða önnur vímuefni. Það verður að öllum líkindum vinur/vinkona, nágranni eða eldra systkini en ekki einhver skuggalegur ókunnur maður. Líklega verður viðkomandi á svipuðum aldri og barnið þitt, eða lítið eitt eldri. Spurningin er aðeins hvenær þetta gerist.
Á vef SÁÁ má finna áhugavert efni sem foreldrar geta skoðað og nýtt sér sem forvörn í uppeldi barna sinna.
Í nýlegri grein sem birtist á vefnum segir að eigir þú barn á aldrinum 12 til 13 ára mælist stofnunin til þess að þú gerir eftirfarandi til að minnka áhættuna á að barnið þitt lendi í vanda tengdum áfengi og/eða fíkniefnum.
„Áður en barnið þitt verður fullorðið eru yfirgnæfandi líkur á að einhver muni beita það beinum eða óbeinum þrýstingi til að nota áfengi eða önnur vímuefni. Það verður að öllum líkindum vinur/vinkona, nágranni eða eldra systkini en ekki einhver skuggalegur ókunnur maður. Líklega verður viðkomandi á svipuðum aldri og barnið þitt, eða lítið eitt eldri. Spurningin er aðeins hvenær þetta gerist.
Hvað mun barnið þitt segja og gera þá?
Það fer að miklu leyti eftir því sem þú segir og gerir núna. Barnið þitt er í millibilsástandi – nógu gamalt til að skilja alvarleika málsins og nógu ungt til að taka heilshugar leiðbeiningum foreldra sinna.
- Talaðu við barnið þitt um áfengi og önnur vímuefni.
- Lærðu að hlusta á barnið þitt.
- Hjálpaðu barninu að vera sátt við sjálft sig.
- Hjálpaðu barninu að þróa sterkt gildismat.
- Vertu barninu góð fyrirmynd varðandi neyslu áfengis og tóbaks.
- Hjálpaðu barninu að takast á við þrýsting jafnaldrahópsins.
- Settu skýrar reglur um að barnið þitt noti ekki áfengi eða önnur vímuefni.
- Ýttu undir að barnið þitt stundi heilbrigð og skapandi áhugamál.
- Vertu í samstarfi við aðra foreldra.
- Vittu hvernig þú átt að bregðast við ef vandamál koma upp.
Það getur haft mikil áhrif að ræða þessi mál við barnið þitt einmitt núna, og fylgja því síðan eftir með þeim ráðum sem nefnd voru hér að framan. Þannig getur þú hugsanlega aukið líkurnar á að barnið þitt segi NEI við áfengi og öðrum vímuefnum þegar þar að kemur.“
Jafnframt kemur fram í þessari grein að ást foreldra og umhyggja þeirra gæti verið lykillinn að því að barnið haldi sig frá áfengi og öðrum vímefnum.
Barnavefur mbl.is vill jafnframt minna á að fjölmörg börn sem leiðast út í fíkn eiga frábæra foreldra. Sjúkdómurinn fer ekki í manngreinarálit og það velur sér enginn að vera með hann. Góð fræðsla er samt stór þáttur í að reyna að fyrirbyggja að slíkt gerist.
Þessi grein styður að foreldrar þurfa að byrja snemma.
